Vil du støtte rusreformutvalgets forslag til ny rusreform, hvor straff erstattes med hjelp?
Utan tvil! Denne er svært viktig for at vi skal hindre meir utanforskap, og for at vi skal kunne hjelpe ungdom som er sårbare og i ein vanskeleg situasjon. Trusselen om straff hindrar altfor mange å be om hjelp, og vi meiner at dette kan dytte sårbare unge ut i kriminalitet. I Venstre trur vi på tillit og omsorg, og eg er viss på at vi kjem i posisjon til å hjelpe fleire dersom vi legg vekt på å bygge relasjonar framfor å vise ein kald skulder når nokon trør feil. Men alt heng saman med alt, så arbeider vi godt i barnehage og skule, slik at alle kjenner seg sett og verdsett, så vil færre søke til den trøsta og fellesskapet rusmiljøet kan gje. Reforma er også viktig for å hjelpe dei som allereie har eit etablert rusproblem, så dei blir møtt med hjartevarme, som det mennesket dei er, i staden for å vere sett i båsen som ein kriminell, og behandla deretter.