Ja. Nav-tilsette må få større rom til å utøva profesjonelt skjønn, og rigide kontrollsystem må erstattast med tillitsbasert styring. 

Dei universelle velferdsordningane må styrkast. Me treng gode barnehagar og skular med nok lærarar og andre tilsette, slik at alle barn blir sett. Fritidsaktivitetar må vera gratis eller billege og tilgjengelege for alle. Auka inntekt for foreldre med låg inntekt, anten det er sosialhjelp, andre velferdsytingar eller låg lønn.

SV vil auka barnetrygda for alle, og samtidig auka tillegga for fleirbarnsfamiliar og familiar med einslege forsørgarar. SV vil også at barnetrygda ikkje skal reknast som del av inntekta til dei som mottar sosialhjelp, fordi det fører til at dei familiane med lågast inntekt blir fråtatt barnetrygda. SV har føreslått dette i mange kommunar. På Stortinget vil me innføra ei statleg normering av sosialhjelpa slik at alle familiar får barnetrygd.

Eg støttar ein rusreform der straff blir erstatta med hjelp og den sosialfaglege oppfølginga blir styrka. Samfunnet må bruka større ressursar på førebygging, oppfølging og hjelp til dei som har rusproblem eller som står i fare for å få det. SV vil ha ei kraftig styrking av behandlingstilbodet for menneske med rusproblem.